"საქართველოს 20% ოკუპირებულია რუსეთის მიერ" - საზოგადოებრივი მაუწყებლის სპორტული მატჩების კომენტატორი, გიორგი ზურაბიშვილი ამბობს, რომ ფეხბურთის მსოფლიო ჩემპიონატის ფინალურ მატჩს ამ წარწერის მქონე მაისურით წაიყვანს. ამის შესახებ ზურბიშვიილმა ფეისბუქზე დაწერა.

"ერთი ის არის, ჩვენი ქვეყნის ოკუპანტ ქვეყანაში იმართება ჩემპიონატი. ფინალიც მოსკოვშია და ეს დიდად სასიამოვნო არ არის, მაგრამ რას ვიზამთ. ანა ბოჭოიძის ძალიან კარგი დიზაინი დავპრინტე მაისურზე, ჩავიცვი და ასე ვაფიქსირებ ჩემ სამოქალაქო პოზიციას", - აღნიშნავს ზურაბიშვილი.

მსოფლიო ჩემპიონატის ფინალური მატჩი მოსკოვში დღეს, 15 ივლისს იმართება.