მაშ ასე! ხანგრძლივი მოლოდინი და ჭორ-მართალის გარკვევის პროცესი დასრულებულია, უკვე ოფიციალურად შეგვიძლია ვთქვათ, რომ ჯეკ ნიკოლსონის, ჰიტ ლეჯერისა და ჯარედ ლეტოს შემდეგ ჯოკერის როლს ხოაკინ ფენიქსი შეასრულებს.

შეგახსენებთ, რომ Warner Bros. ჯოკერის ისტორიაზე ახალ ფილმს გადაიღებს, რომლის რეჟისორიც ტოდ ფილიპსი იქნება. ფილმის პროდიუსერი კი მარტინ სკორსეზე იქნება.

თავდაპირველად ვრცელდებოდა ინფორმაცია, რომ ჯოკერის როლზე კინოსტუდიას ლეონარდო დიკაპრიოს მიწვევა სურდა, თუმცა მალევე ეს ხმები მაშინვე გაქარწყლდა, რაც ასპარეზზე ფენიქსი გამოჩნდა.

ასე რომ, სულ მალე ჯოკერის ისტორიას ამჯერად ფენიქსის შესრულებით ვიხილავთ.