აჭარის პოლიციის თანამშრომლებმა უცხო ქვეყნების მოქალაქეების ძარცვის ბრალდებით 2 პირი დააკავეს. ინფორმაციას ამის შესახებ შინაგან საქმეთა სამინისტრო ავრცელებს.

უწყების განმარტებით, გამოძიების შედეგად დადგინდა, რომ დაკავებულებმა 2018 წლის 6 ივლისს ბათუმში, არდაგანის ტბის მიმდებარე ტერიტორიაზე, სომხეთის რესპუბლიკის მოქალაქეების კუთვნილი ავტომანქანის შუშა დააზიანეს და დიდი ოდენობით თანხა, ასევე პირადი ნივთები გაიტაცეს. პოლიციის თანამშრომლებმა ნაქურდალი ნივთების ნაწილი ნივთმტკიცების სახით ამოიღეს.

გამოძიება წინასწარი შეთანხმებით ჯგუფის მიერ, დიდი ოდენობით ჩადენილი ქურდობის ფაქტზე მიმდინარეობს, საქართველოს სსკ-ის 177-ე მუხლის მე-3 ნაწილის "ა" და მე-4 ნაწილის "ბ" ქვეპუნქტებით. ამ მუხლებით, დანაშაული წინასწარ ორგანიზებული ჯგუფის მიერ და 6-დან 10 წლამდე ვადით თავისუფლების აღკვეთას ითვალისწინებს.