ლებრონი ლოს ანჯელესშია - "ეს ლეიკერსისთვის ისტორიული დღეა"

ლებრონ ჯეიმსი ლოს ანჯელესშია. ამის შესახებ ლეიკერსის ოფიციალურმა გვერდმა დაწერა.

The King has arrived 👑 #LakeShow + @kingjames

A post shared by Los Angeles Lakers (@lakers) on Jul 9, 2018 at 5:16pm PDT

ჯეიმსის მიმართ თბილი სიტყვები არ დაიშურა ლეიკერსის საკალათბურთო ოპერაციების პრეზიდენტმა ირვინ მეჯიქ ჯონსონმა.

"დღეს ლეიკერსის ორგანიზაციისა და გულშემატკივრებისთვის დიდი დღეა, რადგან NBA-ის სამგზის ჩემპიონი და ოთხგზის MVP შემოგვიერთდა. იგი განსაკუთრებულია. იგი მსოფლიოში საუკეთესო კალათბურთელია. მას უყვარს გამოწვევები და ასევე, არაჩვეულებრივი ლიდერია, რომელიც თანაგუნდელებზე ფიქრობს. ლეიკერსის კალათბურთელები მოუთმენლად ელიან NBA-ის 9-გზის ფინალისტთან შეხვედრას. ეს დიდი ნაბიჯია, რომელიც ლეიკერსს NBA-ის პლეიოფთან და ფინალებთან აბრუნებს", - აღნიშნა ჯონსონმა.

ჯეიმსის მოსვლის დღეს დიდი და ისტორიული უწოდა ლეიკერსის გენერალურმა მენეჯერმა რობ პელინკამაც:

"ეს ლეიკერსისთვის ისტორიული მომენტია. [...] თუმცა ვიცით, რომ ჯერ არაფერი დასრულებულა და კიდევ არაერთი აუცილებელი საქმე უნდა გავაკეთოთ".

ახალი, 2018-19 წლის სეზონი, ოქტომბრის მიწურულს დაიწყება.

ბოლო ამბები:

გირჩევთ