საავტომობილო გზების დეპარტამენტის განცხადებით, დატბორილ ჭუბერში განადგურებული ხიდების ნაცვლად დროებითი ხიდები მოეწყობა. მათი განცხადებით, ადგილზე ათამდე ერთეული მძიმე ტექნიკა და დეპარტამენტის სპეციალისტები არიან მობილიზებული.

მთელი ღამის განმავლობაში სტიქიის სალიკვიდაციო და გაწმენდითი სამუშაოები მიმდინარეობდა. ასევე, მძიმე ტექნიკა მდინარე ნენსკრას ძველ კალაპოტში დასაბრუნებლად მუშაობდა.

5 ივლისს უხვი ნალექის შედეგად, სოფელ ჭუბერში მთის ნაწილის ჩამოშლამ მდინარე ნენსკრას ადიდება გამოიწვია. მდინარის კალაპოტიდან გადმოსვლის გამო დაიტბორა მიმდებარე ტერიტორია, რამაც ათეულობით თემი გარე სამყაროს მოწყვიტა, უხვმა ნალექმა ჩამორეცხა სოფლებს შორის დამაკავშირებელი საავტომობილო გზები.