მათთვის, ვინც ქალაქიდან შორს წასვლას ვერ ახერხებს, თბილისიდან ძალიან ახლოს, ერთი საათის სავალზე სასტუმროში ამბასადორი კაჭრეთი შეუძლია დაისვენოს და გაერთოს, რადგან ზაფხულის სეზონში იქ უამრავი სიახლეა.

სასტუმრომ მომხმარებლებს განსხვავებული კონცეფციის ახალი კორპუსი შესთავაზა, სადაც 106 თანამედროვე დიზაინის ნომერი განთავსდა.

"მაღალი მოთხოვნიდან გამომდინარე აუცილებელი გახდა გაფართოება, გვაქვს სასტუმროს ორი კორპუსი, რომელიც ერთმანეთისგან აბსოლუტურად განსხვავებული დიზაინისა და კონცეფციისაა. ასევე, ემატება ახალი კოტეჯებიც. ერთდროულად 450 სტუმრის მიღება შეგვიძლია, რაც იმას ნიშნავს, რომ ამბასადორი კაჭრეთი რეგიონში ყველაზე დიდი სასტუმრო კომპლექსი გახდა", — აცხადებს სასტუმროების ქსელის ამბასადორი მარკეტინგის მენეჯერი თამარ ჯინჭარაძე.

ფოტო: ამბასადორი კაჭრეთი

ფოტო: ამბასადორი კაჭრეთი

მისივე თქმით, ახალი შენობისა და ნომრების გასაცნობად სასტუმროს ადმინისტრაციამ მომხმარებლებისთვის სპეციალური აქციის შეთავაზება გადაწყვიტა. აქციის ფარგლებში ახალ შენობაში ერთი ადამიანის ღირებულება კვირის დღეებში $55 იქნება, შაბათ-კვირას კი $75. ეს აქცია ზაფხულის პერიოდზე გავრცელდება.

სასტუმროს კორპუსის გარდა, კომპლექსს დაემატა ევროპული სტანდარტების ოლიმპიური აუზი, რომელიც კახეთის რეგიონში ერთადერთია. ახლო მომავალში კი 6 ადგილიანი ახალი ვილები, ბაღები და საბავშვო მოედნებიც დაემატება.

ფოტო: ამბასადორი კაჭრეთი

ფოტო: ამბასადორი კაჭრეთი

"ვცდილობთ ჩვენს მომხმარებელს მაქსიმალური კომფორტი შევუქმნათ და ამ ერთ სივრცეში მათთვის სასურველი ნებისმიერი სერვისის მიღება შეძლონ. ასევე, მნიშვნელოვანია სპორტული აქტივობები. კაჭრეთში სხვდასხვა სპორტული სახეობების ნაკრებები დასვენების გარდა, პროფესიულ მომზადებასაც შეძლებენ", - აცხადებს ჯინჭარაძე.

ფოტო: ამბასადორი კაჭრეთი

ამბასადორი კაჭრეთი 182 კლასიკური სტილის ნომრისგან შედგება. ამასთან სასტუმროს ტერიტორიაზეა პროფესიონალური გოლფის მოედანი, რეგიონში ყველაზე დიდი 800 კაციანი საბანკეტო დარბაზი, 12-ადგილიანი ვილა, ღვინის მარანი, ჩოგბურთის კორტები, ღია საცურაო აუზები, საცხენოსნო კლუბი და პროფესიონალური სასროლეთი.

ფოტო: ამბასადორი კაჭრეთი