ახალციხის მუნიციპალიტეტის სოფელ აწყურში სამსახურეობრივი მოვალეობის შესრულების დროს კაცი გარდაიცვალა.

როგორც შინაგან საქმეთა სამინისტროში On.ge-ს განუცხადეს, პირველადი ინფორმაციით, სამშენებლო კომპანია, სადაც გარდაცვლილი კაცი მუშაობდა, ხიდის სარეაბილიტაციო სამუშაოებს ასრულებდა რა დროსაც მას დენმა დაარტყა.

გამოძიება საქართველოს სისხლის სამართლის კოდექსის 240-ე მუხლის პირველი ნაწილით დაიწყო. ეს მუხლი ითვალისწინებს სამთო, სამშენებლო ან სხვა სამუშაოს წარმოებისას, უსაფრთხოების წესის დარღვევას და ისჯება თავისუფლების აღკვეთით ვადით 2-დან ხუთ წლამდე.