შინაგან საქმეთა სამინისტროს განცხადებით, მხარეებს შორის მიღწეული შეთანხმების შედეგად, ქართველი მესაზღვრეები გაათავისუფლეს. რუსეთის ფედერაციის სასაზღვრო სამსახურის წარმომადგენლებმა 2 მესაზღვრე ქართულ მხარეს დღეს, 12 საათზე გადმოსცეს.

შინაგან საქმეთა სამინსიტროს ცნობით, სასაზღვრო პოლიციის ლაგოდეხის სამმართველოს 2 მესაზღვრე მიმდინარე წლის 27 ივნისს, მიღებული გეგმიური დავალების შესაბამისად, საქართველო-რუსეთის ფედერაციის სახელმწიფო საზღვრის დაღესტნის მონაკვეთზე გავიდა, დროებითი საზაფხულო საგუშაგოს გასახსნელად. მათი თქმით, გარკვეული დროის შემდეგ მესაზღვრეებთან კომუნიკაცია შეწყდა, რის შემდეგაც დაიწყო მათი ძებნის ღონისძიება.

უწყების ცნობით, მესაზღვრეების დაბრუნების შემდეგ ქართული მხარე ყველა შესაბამის პროცედურას განახორციელებს და ინციდენტს დეტალურად გამოიკვლევს.