9 თვის კნუტი, სახელად ბობი, რომელიც სარეცხის მანქანაში შეძრომის შემდეგ შემთხვევით 60° ტემპერატურის რეცხვაში მოყვა, გადარჩა და უკვე სრულიად გამოჯანმრთელდა.

ნიტინგემელმა ლიზა კიფმა ყოველდღიური საქმიანობის შესრულებისას ვერ შენიშნა, რომ მის ბენგალიურ კატას სარეცხის მანქანაში მშვიდად ეძინა.

თუმცა, ცოტა ხანში, როდესაც მანქანის შიგნიდან ყრუ ბგერები მოესმა, შეშინებულმა პატრონმა თითქმის ჯერ კიდევ მოძრავი მანქანიდან ამოიყვანა თავისი კნუტი.

"სარეცხის მანქანას მივვარდი და დავინახე რომ ყველაფერი მის ბეწვში იყო შერეული. შიშისგან გავშეშდი და არც მახსოვს, როგორ გამოვიყვანე ის მანქანიდან".

კნუტი შოკურ მდგომარეობაში ნოტინგემის ცხოველთა საავადმყოფოში გადაიყვანეს, მისი ტემპერატურა ისე იყო დაცემული, რომ სიკვდილთან ძალიან ახლოს იყო.

ბობი ვეტექიმთან და თავის პატრონთან ერთად ^^

ფოტო: PDSA

ვეტექიმმა, რომელმაც ბობის უმკურნალა, თქვა, რომ მის 15 წლიან პრაქტიკაში მსგავსი შემთხვევა არ ახსოვს.

"ჩვენ ის ნაზად გავამშრალეთ, გავათბეთ და შემდეგ შოკიდან გამოსასვლელად გადასხმა გავუკეთეთ".

ბობი, რომელიც შინ მეორე დღესვე გაწერეს, PDSA-ს ჯილდოზეა წარდგენილი, როგორც ცხოველი, რომელიც უბედურ შემთხვევას გადაურჩა.

ფოტო: PDSA