ყველამ იცის, რომ ციყვები ძალიან საყვარელი და მოუსვენარი ცხოველები არიან, რომლებსაც წაბლი, თხილი და ნიგოზი ყველაზე მეტად უყვართ. მაგრამ იცოდით, რომ ფუნთუშებზე და ტკბილეულზეც არ ამბობენ უარს?

ამაში ალიასკის პოლიციის ოფიციალურ ფეისბუქ გვერდზე გავრცელებული ვიდეო დაგარწმუნებთ, რომლის მთავარი გმირიც არც მეტი, არც ნაკლები გაიძვერა ციყვია.

როგორც ვიდეოში ხედავთ, მსუნაგმა ცხოველმა პარკინგზე გაჩერებული პოლიციის მანქანიდან დონატი მოიპარა, კამერით მომარჯვებული ადამიანის გამოჩენისთანავე კი დანაშაულის ადგილიდან სასწრაფოდ მიიმალა და საკუთარი ფუღუროსაკენ გაიქცა.