"სანამ არ გვექნება დადასტურებული ინფორმაცია, იქამდე ამ ადამიანებს სიიდან ვერ ამოვიღებთ", - ასე გამოეხმაურა პარლამენტის წევრი ქართული ოცნებიდან სოფო კილაძე, ევროპული საქართველოს წევრის, სერგი კაპანაძის განცხადებას, რომ ტატუნაშვილი-ოთხოზორიას სიაში, გარდაცვლილი ადამიანები არიან შეყვანილი.

"ოკუპირებული ტერიტორიები არის ის საკითხი, რომელიც მთელს საზოგადოებას უნდა აერთიანებდეს და აქ ნამდვილად ჩასაფრებული ყოფნა, არის ცუდი მათი პოლიტიკური ძალისთვის", - ამბობს კილაძე.

კილაძე აღნიშნავს, რომ სიის დახვეწაზე ისინი მუშაობას გააგრძელებენ.

სერგი კაპანაძის თქმით, საქართველოს მთავრობის მიერ წარმოდგენილი ოთხოზორია-ტატუნაშვილის სიაში, შეყვანილი არ არის რუსეთის ფედერაციის არც ერთი მოქალაქეც.