როგორც იქნა, NBA-მ წლის ნომინაციების გამარჯვებულები გამოაცხადა.

ჯილდო ექვს ნომინაციაში გაიცა: MVP, წლის მწვრთნელი, წლის ახალწვეული, წლის დამცველი, წლის მეექვსე მოთამაშე და წლის კალათბურთელი, რომელმაც ყველაზე დიდი პროგრესი განიცადა.

მაშ ასე, დავიწყოთ:

MVP:

გამარჯვებული - ჯეიმს ჰარდენი, ჰიუსტონი.

ფოტო: For The Win - USA Today

სხვა ფინალისტები: ენტონი დევისი, ლებრონ ჯეიმსი.

ოკლაჰომა პირველი გუნდი აღმოჩნდა, რომელმაც დრაფტიდან სამი მომავალი MVP აიყვანა (ვესტბრუკი, დურანტი, ჰარდენი).

წლის საუკეთესო მწვრთნელი:

გამარჯვებული: დუეინ ქეისი, ტორონტო.

ფოტო: Detroit Bad Boys

სხვა ფინალისტები: ქუინ სნაიდერი, ბრედ სტივენსი.

დუეინ ქეისისთვის სამწუხაროდ, ტორონტოში მისი კარგი სეზონი საკმარისი არ აღმოჩნდა იმისთვის, რომ მას თავისი თანამდებობა შეენარჩუნებინა. საგულისხმოა ისიც, რომ ქეისი All Star-ზე ერთ-ერთი მწვრთნელი იყო.

წლის მე-6 მოთამაშე:

გამარჯვებული: ლოუ უილიამსი, კლიპერსი.

ფოტო: BET Networks

სხვა ფინალისტები: ერიკ გორდონი, ფრედ ვანვლიტი.

უილიამსი კლიპერსის რიგებში ბოლო სეზონში სათადარიგოთა სკამიდან საშუალოდ 22.6 ქულას აგროვებდა. ეს გუნდში ყველაზე მაღალი მაჩვენებელი იყო. მან ეს ტიტული 2015 წელსაც მოიგო.

წლის საუკეთესო დამცველი:

გამარჯვებული: რუდი გობერი, იუტა.

ფოტო: NBA ON FIRE

სხვა ფინალისტები: ენტონი დევისი, ჯოელ ემბიდი.

რუდი გობერმა 2017-18 წლის სეზონში ტრავმის გამო 26 შეხვედრა გამოტოვა, იგი იუტას ყველაზე მნიშვნელოვანი კალათბურთელი იყო. იუტელებმა გობერთან ერთად მატჩების 66.1 % მოიგეს, მის გარეშე კი 42.3 %.

წლის კალათბურთელი, რომელმაც ყველაზე დიდი პროგრესი განიცადა:

გამარჯვებული: ვიქტორ ოლადიპო, ინდიანა.

ფოტო: News for you

სხვა ფინალისტები: კლინტ კაპელა, სპენსერ დინვიდი.

ოლადიპო ოკლაჰომას სასტარტო შემადგენლობის რიგითი წევრიდან All Star-ის დონის მოთამაშედ იქცა.

წლის ახალწვეული:

გამარჯვებული: ბენ საიმონსი, ფილადელფია.

ფოტო: Triple M

სხვა ფინალისტები: დონოვან მიტჩელი, ჯეისონ ტატუმი.