ესპანეთის დედაქალაქის სამართალდამცველი ძაღლი, სახელად პონჩო, ნებისმიერი პოლიციელისთვის იდეალური პარტნიორი იქნებოდა. მან იცის, როგორ გააკეთოს გულის მასაჟი, როცა დახმარება გჭირდება.

მადრიდის პოლიციაში გაწვრთნილი ძაღლის ვიდეომ უკვე მთელი ინტერნეტი მოიარა. მასში ვხედავთ, როგორ ავარჯიშებენ პოლიციელები ძაღლს.

აგენტი ძირს ეცემა, თითქოს ცუდადაა, პონჩო კი მისკენ მირბის, უსმენს, სუნთქავს თუ არა და გულის მასაჟის კეთებას პროფესიონალურად იწყებს.

ვიდეო ტვიტერზე მადრიდის პოლიციის ოფიციალური ანგარიშით გამოქვეყნდა და მას უკვე 1,4 მილიონი ნახვა აქვს.