ხორავას საქმის ერთ-ერთი პროკურორის, ზვიად ფხაკაძის თქმით, გავრცელებული ინფორმაცია იმის შესახებ, რომ მოზარდებს შორის შელაპარაკება პნევმატური იარაღის გამო დაიწყო მცდარია.

"აბსოლუტურად არანაირ პნევმატურ იარაღზე არ არის საუბარი. ეს არის სათამაშო პისტოლეტი, რომელიც ჩემს სახლში რომ შემოხვიდეთ და ნახოთ რამდენიმე ცალი არის, იმიტომ რომ შვილები მყავს, რომელიც თამაშობენ", - განმარტა პროკურორმა.

პროკურორის თქმით, ეს სათამაშო იარაღი პატარა, პლასტმასის ტყვიებს გაისვრის. მისივე თქმით, პნევმატური ის იარაღია, რომელიც ჰაერის დატუმბვით გაისვრის საგანს, სწორედ ამიტომ აღიქვა ხალხმა ის იარაღად.

პროკურორმა განმარტა, რომ შელაპარაკება მოზარდებს შორით სწორედ ამ იარაღმა გამოიწვია. მისი მტკიცებით, სასამართლოზე დადგინდა, რომ იარაღი სათამაშო იყო.

პარლამენტის სპეციალური საგამოძიებო კომისია დღეს, 25 ივნისს ხორავას საქმის პროკურორს და გამომძიებელს კითხავს.