გადასაღები მოედნის მღვიმიდან საკურთხევლამდე - კიტ ჰარინგტონი და როუზ ლესლი დაქორწინდნენ

დრაკონების შთამომავლის და ველურთა მოდგმის სიყვარულის ტრაგიკულმა ისტორიამ რეალობაში ბედნიერი ფინალი იპოვა. ურთიერთობა, რომელიც ვესტეროსის სამეფოს საზღვრებს გარეთ, კედლის მიღმა სამეფოში დაიწყო საბოლოოდ, შოტლანდიაში ქორწილით დაგვირგვინდა.

უცნობი არავისთვისაა, მაგრამ განვმარტავთ, რომ საუბარი სამეფო კარის თამაშების მსახიობებს კიტ ჰარინგტონსა და როუზ ლესლის ეხება. მარტინის სამყაროს ფანები ქორწილს დიდი შიშით ველოდით. ვესტეროსში ქორწილების ძალიან ცუდი გამოცდილება გვაქვს, თუმცა ამჯერად ყველაფერი იდეალურად წარიმართა.

"მეფე-დედოფალი" ქორწილში ტრადიციების სრული დაცვით, ცალკ-ცალკე მივიდნენ.

ყველას აინტერესებს ვინ ესწრებოდა ქორწილს. რა თქმა უნდა, ყველა. დრაკონების დედოფალი, ვინტერფელელი სტარკები და ჯონ სნოუს ნახევარ დები, ასევე ჯონ სნოუს ძველი მეგობარი, ტირიონ ლანისტერი.

საკურთხეველთან არცერთს გადაუფიქრებია და როგორც ჩანს წინააღდეგიც არავინ ყოფილა. ბედნიერმა წყვილმა ცოლ-ქმრის სტატუსით დატოვა ეკლესია.

ამ ეტაპზე უცნობია ესწრებოდა თუ არა ქორწილს ისტორიის მთავარი შემოქმედი, ჯორჯ მარტინი. ერთი რამ კი ზუსტად ვიცით, 2019 წლამდე სატახტოთა თამაშების ახალ სეზონს არ უნდა ველოდოთ. იმედი ვიქონიოთ, რომ თაფლობის თვის გამო გადაღებები უფრო მეტად არ გაიწელება.

ბოლო ამბები:

გირჩევთ