თბილისის მერმა, კახა კალაძემ დღეს, 20 ივნისის მთავრობის სხდომაზე პარკების ადმინისტრაციას, ზედამხედველობისა და არქიტექტურის სამსახურებს დაავალა, ბაღებსა და სკვერებში გარემოვაჭრეებისთვის ადგილები გამოიყოს.

"მხედველობაში მაქვს არამალფუჭებადი საქონელის გაყიდვა", - ამბობს კალაძე და აცხადებს, რომ გარემოვაჭრეების ადგილები უნდა იყოს კეთილმოწყობილი, რათა საქონელი ქაოტურად არ იყიდებოდეს.

გასული წლის მარტში, დავით ნარმანიას მმართველობის დროს, ქალაქის იერსახეზე ზრუნვის მოტივით, თბილისის მერიამ გარემოვაჭრეებს ბრძოლა გამოუცხადა.

გარემოვაჭრეების დახლები და სხვა ინვენტარი ზედამხედველობის სამსახურმა შუაღამით გაიტანა, შემდეგ კი დასუფთავების სამსახურმა ტერიტორია, სადაც გარემოვაჭრეები მუშაობდნენ, წყლის ჭავლით, საგულდაგულოდ, დემონსტრაციულად მორეცხეს. მორეცხვის ფოტოები თბილისის მერიამ მედიაში გაავრცელა და განაცხადა, რომ აღნიშნული ღონისძიება საჭიროა ქალაქის იერსახისთვის და საკვები პროდუქტების უსაფრთხო გარემოში გაყიდვისთვის. გარემოვაჭრეებს სხვადასხვა ბაზრობის ტერიტორიაზე რამდენიმე თვით სავაჭრო ადგილების უფასოდ გამოყოფა შესთავაზეს.

ამავე თემაზე:

ხუთი გარემოვაჭრის ისტორია - სად და როგორ მუშაობენ ქუჩაში ვაჭრობის აკრძალვის შემდეგ