მიმდინარე მსოფლიო ჩემპიონატის პირველ მატჩში გერმანიის ნაკრები მექსიკასთან ანგარიშით 0:1 დამარცხდა, თუმცა გერმანელთა მეკარე მანუელ ნოიერი არ თვლის, რომ გუნდში ცვლილებებია საჭირო.

"აქ ყოველი მატჩი ფინალივითაა. დარწმუნებულები ვართ, რომ მოგება შეგვიძლია. [...] წაგებამ იმედები გაგვიცრუა, თუმცა, დროა, სწორი დასკვნები გამოვიტანოთ. [...] ვფიქრობ, წარმატება იმაზეა დამოკიდებული, 100 პროცენტით ვიქნებით თუ არა მზად ტურნირის მოსაგებად და არა იმაზე, რომ ფეხბურთელები შევცვალოთ", - განაცხადა ნოიერმა.

მისი თქმით, გერმანელებს, ცხადია, არ შეუძლიათ მექსიკასთან განცდილი მარცხი შეცვალონ, თუმცა ყველაფერს გააკეთებენ, რათა დარჩენილ შეხვედრებში განიცადონ პროგრესი.