Mash-ის მიერ გავრცელებული ინფორმაციით, მოსკოვის ლოკომოტივის მცველის, სოლომონ კვერკველიას ბინაში საქართველოს მოქალაქის რომეო კოპალიანის ცხედარი იპოვეს.

სიკვდილის მიზეზად ნარკოტიკული ზედოზირება სახელდება.

რომეო კოპალიანი და მისი მეგობარი რუსეთში მსოფლიო ჩემპიონატის მატჩზე დასასწრებად ჩავიდნენ. ისინი კვერკველიას სახლში დაბინავდნენ, რამდენიმე საათში კი რომეო კოპალიანის ცხედარი სადარბაზოს კიბეებთან იპოვეს. მას სხეულზე ინიექციის კვალი ეტყობოდა.

თავად კვერკველია უარყოფს ინფორმაციას, თითქოს გარდაცვლილი მისი მეგობარი იყო.

"მე ეს ბინა მეგობარს ვაჩუქე და იქ ექვსი თვეა, აღარ ვცხოვრობ და ამ ნახევარი წლის განმავლობაში ერთხელაც არ ვყოფილვარ. გარდაცვლილი - ჩემი მეგობარი არაა. იგი ყოფილი ფეხბურთელია, რომელსაც საქართველოში იცნობენ. მისი მეგობარი ისაა, ვისაც ბინა გადავეცი. თავად კი საქართველოში ვიმყოფები და მომხდარის შესახებ ახალი ამბებიდან გავიგე", - განაცხადა კვერკველიამ.