გურჯაანის მუნიციპალიტეტში ადიდებულმა მდინარე ჭერმისხევმა სოფელ ჭერემთან დამაკავშირებელი გზა დააზიანა. აღნიშნული ინფორმაცია გურჯაანის ადგილობრივმა მედიამ სპექტრმა გაავრცელა.

გურჯაანის მუნიციპალიტეტის მერის არჩილ ხანდამაშვილის ინფორმაციით, სოფელი ჭერემი გარესამყაროს არის მოწყვეტილი. მისი თქმით, სტიქიის ადგილზე სპეციალური ტექნიკა დაიწყებს მუშაობას.

სტიქიამ გურჯაანის მუნიციპალიტეტის სხვა სოფლებიც დააზარალა. სოფელ კარდენახში შიდა საუბნო გზები დაზიანდა. ოჯახების ნაწილს ელექტროენერგია არ მიეწოდება.

ამავე თემაზე: მეხის ჩამოვარდნას ერთი პირი ემსხვერპლა, დატბორილია სახლები - ძლიერი წვიმის შედეგები საქართველოში