13 ივნისს, ბიზნესისა და ტექნოლოგიების უნივერსიტეტში, საქართველოს პრო ბონო ქსელისა და მისი პარტნიორების მარათონი გაიმართა.

მარათონის ფარგლებში პაშა ბანკისა და მისი თანაგუნდელი ორგანიზაციების - ჯიპიაი ჰოლდინგი და ჯეოლაბი - თანამშრომლების მიერ, საქართველოს სამოქალაქო განვითარების ასოციაცია „საგა“-თვის სრულიად უსასყიდლოდ დამზადდა ვებ-გვერდი.

პრო ბონო მარათონის მიზანი იყო საზოგადოებრივი ორგანიზაციებისათვის ვებ-გვერდების შექმნა. მარათონში პაშა ბანკთან ერთად მონაწილეობას იღებდნენ პრო ბონო ქსელის სხვა წევრი კომპანიები: თიბისი ბანკი, ჯიპიაი ჰოლდინგი, ბანკი კრედო, საკონსულტაციო კომპანია - ACT, საქართველოს ბანკი, ვისოლი, საკონსულტაციო კომპანია PMCG და ჯეოლაბი.

პაშა ბანკისთვის ეს რიგით მეორე პრო ბონო აქტივობაა. 2017 წლის დეკემბერში პაშა ბანკის საზოგადოებასთან ურთიერთობის და მარკეტინგის დეპარტამენტის მიერ შეიქმნა სოციალური საწარმო „კოდალას“ პროდუქციის ონლაინ კატალოგი.