ყოფილი პრეზიდენტი მიხეილ სააკაშვილი რუსთავი 2-ის ეთერში გიორგი კვირიკაშვილი გადადგომას გამოეხმაურა.

სააკაშვილს მიაჩნია, რომ 12 ივნისის პარტიის სხდომაზე პარტიის თავმჯდომარემ, ბიძინა ივანიშვილმა კვირიკაშვილს გადადგომა მოთხოვა, მაგრამ ამ უკანასკნელმა უარი თქვა. მისი აზრით, მარნეულში მოქალაქეზე ძალადობის კადრებმა კვირიკაშვილ აზრი შეაცვლევინა.

"მთავარი არის,რომ ჩვენ დავინახეთ ხალხის ძალა. ეს ბატონყმობა, ეს მონობა უნდა დასრულდეს, სანამდე უნდა ვემონოთ ვიღაც გაუნათლებელ, ბნელ, მახინჯ, ერთუჯრედიან ოლიგარქს. მერე რა, რომ მილიარდერია და კიდევ მილიარდებს გვპარავს. ჩვენ ვართ ამაყი ერი, ეს დამცირება უნდა დასრულდეს. ხალხის თავზე დაწუწვა და შარდის სახეში შესხმა უნდა დასრულდეს და ჩვენ უნდა შევწყვიტოთ ლაპარაკი რომ ეს არის ჟუჟუნა წვიმა", - განაცხადა სააკაშვილმა.

ყოფილი პრეზიდენტის თქმით, ქართველი ხალხი ბიძინა ივანიშვილს "თავისი ქონების დასაბრუნებლად მიაკითხავს":

"ნამდვილად არ გაგიშვებს და არ მოგცემს საშუალებას გაიპარო ქვეყნიდან, გაიძურწო და უკანა კარიდან გახვიდე, როგორც შენი მორიგი პრემიერი. ასე რომ გველოდე, ყვარყვარე! მოვდივართ, დაგვხვდი და ყველაფერს მიეჩინება თავის ადგილი".

დღეს, 13 ივნისს გიორგი კვირიკაშვილის პრემიერ-მინისტრის თანამდებობიდან გადადგა. მისი გადადგომით ავტომატურად გადაყენებულად ითვლება მთავრობაც.