კურტ კობეინის ნამუშევრები, რომლებიც მისი სიკვდილის შემდეგ ვაშინგტონის ქალაქ აბერდინის მუზეუმში ინახებოდა, ხანძარმა მთლიანად გაანადგურა. ინფორმაციას NME ავრცელებს.

მუზეუმში, ქალაქის სხვა ისტორიულ ნივთებთან ერთად, გამოფენილი იყო ნირვანას სოლისტის ხელნაწერები და სხვა პერსონალური ნამუშევრები. ხანძრის დროს, არავინ დაშავებულა.

"რა საშინელებაა, იმედია ადამიანები გადარჩნენ", - დატვიტა ნირვანას ყოფილმა ბასისტმა, კრისტ ნოვოსელიჩმა.

აბერდინის სახანძროს უფროსის თქმით, ეს ქალაქისთვის უდიდესი დანაკარგია.

ამბის გავრცელების შემდეგ, მწერალმა რაილანდ სპენსერმა იმ ნამუშევრების ფოტოები გამოაქვეყნა, რომელიც ხანძრის დროს განადგურდა.

როგორც ცნობილია, ცოტა ხნის წინ კობეინის კიდევ ერთი ისტორიული ნივთი გახდა მსოფლიოსთვის ხელმიუწვდომელი. კობეინის გიტარა, კურტის და კორტნი ლავის შვილის, ფრენსის კობეინის ყოფილ ქმარს დაშორების შემდეგ ერგო, როგორც ქორწინებისას ფრენსისისგან მიღებული საჩუქარი.