მარნეულის მაცხოვრებლის, ელჩინ ალახვერდოვის მიმართ განხორციელებული დამამცირებელი და არაადამიანური მოპყრობის ბრალდებით დააკავეს მარნეულის მერი თემურ აბაზოვი.

ამავე მოქალაქეზე ცემის ბრალდებით სისხლის სამართლებრივი დევნა დაიწყო პარლამენტის წევრის, პარტია ერთიანი ნაციონალური მოძრაობიდან - აზერ სულეიმანოვის, მარნეულის მუნიციპალიტეტის საკრებულოს წევრის, პარტია ქართული ოცნებიდან - რამინ ალახვერდიევის და მარნეულის მერის ნათესავის, მოქალაქე ე.გ-ს მიმართ.

პროკურატურის განმარტებით, რომ 2018 წლის 10 ივნისს, ელჩინ ალახვერდიევი თბილისში, საპროტესტო აქციის დროს მარნეულის მერზე, თემურ აბაზოვზე განაწყენებულმა, ფეისბუქის პირდაპირ ვიდეოჩართვაში აბაზოვის მეუღლეს მიაყენა სიტყვიერი შეურაცხყოფა.

უწყების განცხადების მიხედვით, იმავე დღეს, ღამის საათებში, მას დაუკავშირდა ერთიანი ნაციონალური მოძრაობის წევრი რაგიმ ასკეროვი, რომელმაც მარნეულში, პარტიის ოფისთან შეხვედრა სთხოვა. უწყების განმარტებით, ოფისში იყვნენ პარლამენტის წევრი ერთიანი ნაციონალური მოძრაობიდან აზერ სულეიმანოვი, მარნეულის საკრებულოს წევრი პარტია ქართული ოცნებიდან რამინ ალახვერდიევი, მარნეულის მუნიციპალიტეტის მერის ნათესავი ე.გ და სხვა პირები.

პროკურატურის თქმით, სულეიმანოვმა დაზარალებულს მოსთხოვა აეხსნა, ფეისბუქზე პირდაპირ ეთერში ვისი დავალებით ჩაერთო, რის შემდეგაც მან და ალახვერდიევმა და მოქალაქე ე.გ-მ დაზარალებულს მიაყენეს ფიზიკური შეურაცხყოფა. ამის შემდეგ, საკრებულოს წევრებმა ჯეიხუნ ჩოიდაროვმა და რამინ ალახვერდიევმა დაზარალებული ერთ-ერთ რესტორანთან, სადაც მათ ელოდებოდა მარნეულის მერი თემურ აბაზოვი.

უწყების განმარტებით, მისვლისთანავე თემურ აბაზოვმა ელჩინ ალახვერდიევს შეაფურთხა სახეში და მიაყენა ფიზიკური შეურაცხყოფა, შემდეგ აიძულა ჩართულიყო ფეისბუქის პირდაპირ ეთერში, მოეხადა ბოდიში და სიტყვიერი შეურაცხყოფა მიეყენებინა საკუთარი ცოლისთვის:

"ბოლოს კი მარნეულის მუნიციპალიტეტის მერმა თემურ აბაზოვმა ძალადობით, ღირსების შელახვის მუქარით, ელჩინ ალახვერდიევი აიძულა მოეშარდა ჭიქაში და შარდით მოებანა სახე", - ნათქვამია განცხადებაში.

  • თემურ აბაზოვი დაკავებულია საქართველოს სისიხლის სამართლის კოდექსის 1443 მუხლის მე-2 ნაწილის "ა" და "ე" ქვეპუნქტებით, რაც ისჯება თავისუფლების აღკვეთით 5-დან 10 წლამდე ვადით;
  • რამინ ალახვერდიევის და მოქალაქე ე.გ-ს მიმართ საქართველოს სსკ-ს 126-ე მუხლის 11 ნაწილის "ბ" ქვეპუნქტით წარდგენილი ბრალდება სასჯელის სახით ითვალისწინებს თავისუფლების აღკვეთას 2 წლამდე ვადით;
  • საქართველოს პარლამენტის წევრის აზერ სულეიმანოვის მიმართ გამოტანილი იქნა დადგენილება საქართველოს სსკ-ს 126-ე მუხლის 11 ნაწილის "ბ" ქვეპუნქტით სისხლის სამართლის პასუხისგებაში მიცემის შესახებ, რომელიც წარედგინება საპროცესო კოდექსით გათვალისწინებული წესებისა და ვადების დაცვით. აღნიშნული დანაშაული სასჯელის სახით ითვალისწინებს თავისუფლების აღკვეთას 2 წლამდე ვადით.