მარნეულის მერი, თემურ აბაზოვი, სავარუაუდოდ, მოქალაქეზე ძალადობის ბრალდებით დააკავეს. ამის შესახებ ინფორმაცია On.ge-ს მთავარ პროკურატურაში დაუდასტურეს.

მოქალაქეზე ძალადობის ამსახველი ვიდეომასალა 12 ივნისს გავრცელდა. მასალაში ასახული იყო, რომ მოქალაქე, რომელმაც საქართველოს ყოფილ პრემიერს, ბიძინა ივანიშვილისა და მარნეულის მერს, თემურ აბაზოვს აგინა, ძალადობის მსხვერპლი გახდა.

პროკურატურაში ამბობენ, რომ ამ საკითხზე ბრიფინგს დღეს, 13 ივნისს გამართავენ და მუხლზეც დღეს ისაუბრებენ. თუმცა გამოძიება სისხლის სამართლის კოდექსის 1443–ე მუხლით დაიწყო, რაც დამამცირებელ ან არაადამიანურ მოპყრობას გულისხმობს.