უმრავლესობის დეპუტატმა ნუკრი ქანთარიამ აღნიშნა, რომ მიმდინარე პროცესებმა ბევრი პრობლემა აჩვენა, რომელიც საჭიროებს გადაწყვეტას.

პარტია ქართული ოცნების ოფისში საპარლამენტო უმრავლესობის სხდომა ჩაინიშნა. მედიაში გავრცელებული ინფორმაციით, უმრავლესობის სხდომა სამთავრობო ცვლილებებს უკავშირდება.

სხდომის დაწყებამდე ქანთარიამ თქვა, რომ უმრავლესობაში პარტიის თავმჯდომარესთან შეხვედრები შიგადაშიგ ტარდება. რაც შეეხება ცვლილებებს, დეპუტატის თქმით, პროცესებიდან გამომდინარე ცვლილებების დრო დგება, თუმცა რა სახის ცვლილებები ამას არ აკონკრეტებს.

მისივე თქმით, მთავრობაში პოლიტიკური კრიზისი არ არის.