ხორავას ქუჩაზე მოკლული დავით სარალიძის მამა, ზაზა სარალიძე ამბობს, რომ შესაძლოა, აქცია დროებით შეწყვიტოს. ამის შესახებ მან რამდენიმე წუთის წინ, პარლამენტის საგამოძიებო კომისიასთან შეხვედრის შემდეგ განაცხადა.

"აქციაზე ჩავდივარ ახლა და გადავხედავ სიტუაციას, შესაძლოა, მოვუწოდო ხალხს რომ ცოტა ხანი შევისვენოთ. დღეს ძალიან ბევრი გაურკვეველი სიტუაცია მოხდა ძალოვანი სისტემისგან", - აღნიშნა სარალიძემ.

მისი თქმით, ბოლოს განვითარებული მოვლენების გამო სამართალდამცავ უწყებებთან გარკვეულ საკითხებზე "საქმე აქვს", რისთვისაც ერთი კვირა შეიძლება დასჭირდეს.