NBA-ის ფინალურ სერიებში ზაზა ფაჩულიას გუნდმა, გოლდენ სტეიტმა, კლივლენ კავალიერსი ჯამში 4:0 დაამარცხა. ქართველი კალათბურთელი, კალიფორნიულ კლუბთან ერთად, ზედიზედ მეორედ გახდა ამერიკის საკალათბურთო ასოციაციის ჩემპიონი. ფინალურ შეხვედრაში, გოლდენ სტეიტმა კლივლენდ კავალიერსი ანგარიშით 108:85 დაამარცხა.

გოლდენ სტეიტის მხრიდან თავი სტეფ კარიმ გამოიჩინა, რომელმაც 37 ქულა, 6 მოხსნა და 4 პასი მოუტანა თავის გუნდს. მასთან ერთად, გამორჩეული იყო კევინ დურანტი, რომელმაც 20 ქულის ჩაგდება, 12 მოხსნისა და 10 პასის გაკეთება შეძლო და ამ შედეგით სამმაგი დუბლი შეასრულა.

ფინალური სერიების MVP სწორედ კევინ დურანტი გახდა.

კლივნლენდ კავალიერსის მხრიდან კი გამორჩეული ლებრონ ჯეიმსი იყო, ვის ანგარიშზეც 23 ქულა, 8 პასი და 7 მოხსნაა.

ზაზა ფაჩულია მოედანზე მატჩის მიწურულს გამოჩნდა, თუმცა თავისი გუნდისთვის ქულა არ მოუტანია.

ფინალურ სერიებში გოლდენ სტეიტმა კლივლენდ კავალიერსს პირველ შეხვედრაში 124:114 მოუგო, მეორე შეხვედრაში ჩემპიონებმა 122 ქულის ჩაგდება მოახერხეს და საპასუხოდ 103 ქულა მიიღეს, მესამე შეხვედრაში კი ზაზა ფაჩულიას გუნდმა კლივლენდს 110-ით 102 მოუგო.