საქართველოს იუსტიციის მინისტრის თეა წულუკიანის გადადგომის მოთხოვნით თბილისის იუსტიციის სახლთან აქცია იმართება. აქცის ფეისბუქჯგუფის "თავისუფლებისთვის" ორგანიზებით იმართება.

ფოტო: ეკუნა ჯანიაშვილი / On.ge

ფოტო: ეკუნა ჯანიაშვილი / On.ge

ფოტო: ეკუნა ჯანიაშვილი / On.ge

ფოტო: ეკუნა ჯანიაშვილი / On.ge

ფოტო: გელა ბოჩიკაშვილი / On.ge

ფოტო: გელა მოჩიკაშვილი / On.ge

ფოტო: ეკუნა ჯანიაშვილი / On.ge

ფოტო: ეკუნა ჯანიაშვილი / On.ge

აქციის ორგანიზატორები ასახელებენ იმ ათ მიზეზს, რომელთა გამოც წულუკიანმა თანამდებობა უნდა დატოვოს:

  • იუსტიციის მინისტრი არის პერსონალურად პასუხისმგებელი სასამართლო სისტემის რეფორმაზე, რომელიც არ განხორციელდა;
  • იუსტიციის მინისტრმა არ იზრუნა დამოუკიდებელი საგამოძიებო ორგანოს ჩამოყალიბებაზე, რომელიც გამოიძიებდა სამართალდამცველთა მიერ ჩადენილ დანაშაულებს;
  • იუსტიციის მინისტრმა მთავარ პროკურორ შოთაძეს მადლობა გადაუხადა კარგად შესრულებული საქმიანობისთვის მისი გადადგომის შემდეგ;
  • იუსტიციის მინისტრის მიერ შერჩეულმა ოთხიდან ვერც ერთმა მთავარმა პროკურორმა ვერ იმუშავა დამოუკიდებლად;
  • თეა წულუკიანი არ აღიარებს და პატივს არ სცემს სასამართლო ხელისუფლებას! ის არ აღასრულებს სასამართლოს გადაწყვეტილებებს გახმაურებულ საქმეებზე, იყენებს ინსტიტუციურ მექანიზმებს პირადი მიზნებისთვის, უკანონოდ ათავისუფლებს თანამშრომლებს სამსახურიდან;
  • იუსტიციის მინისტრმა არამიზნობრივად გაზარდა საშტატო ერთეულთა რაოდენობა იუსტიციის სისტემაში და პარტიული აქტივისტებით გაავსო სამინისტრო;
  • თეა წულუკიანს არ აქვს იურისტის დიპლომი;
  • სტრასბურგმა ორჯერ დაუწუნა მოსამართლეთა სია;
  • წაგებული აქვს თითქმის ყველა საქმე საერთაშორისო დონეზე;
  • იუსტიციის მინისტრს უნდობლობა გამოუცხადა არასამთავრობო სექტორმა.

აქციის ორგანიზატორები მიიჩნევენ, რომ პროკურატურის მიმართ ნდობისა აღსადგენად, აუცილებელია, მთავარ პროკურორად შეირჩეს პირი, რომელიც არ არის აფილირებული მმართველ პარტიასთან და სარგებლობს მაღალი საზოგადოებრივი ნდობით.

აქციის ორგანიზატორების მიერ, ამავე დღეს, იუსტიციის მინისტრის გადადგომა სხვა ფორმითაც მოითხოვეს. იუსტიციის სახლის შენობაში რამდენიმე აქტივისტმა გაუშვა შავი ბუშტები წარწერით "თეა წადი".