როგორც იცით, რამდენიმე დღის წინ, რეალითი შოუს ვარსკვლავი კიმ კარდაშიანი და ამერიკის პრეზიდენტი დონალდ ტრამპი თეთრ სახლში შეხვდნენ და ციხის რეფორმა განიხილეს.

კიმ კარდაშიანმა საზოგადოებას ტვიტერიდან განუმარტა, რომ თეთრ სახლში ვიზიტი 63 წლის პატიმარ ქალს, ელის მარია ჯონსონს ეძღვნებოდა, რომელსაც 30 მაისს დაბადების დღე ჰქონდა. ჯონსონს სამუდამო პატიმრობა აქვს მისჯილი ნარკოტიკების მოხმარების გამო და კარდაშიანმა ტრამპს მისი შეწყალება სთხოვა.

"დიდებული შეხვედრა მქონდა კიმ კარდაშიანთან, განვიხილეთ ციხისა და სასჯელის რეფორმა", - დაწერა ტრამპმა თავის საყვარელ სოციალურ ქსელში.

შეხვედრიდან 1 კვირაში, ტრამპმა ელის ჯონსონი შეიწყალა.

"სატელეფონო ზარი ელისთან ჩემი ცხოვრების ერთ-ერთი საუკეთესო წუთები იქნება. მას ვუთხარი რომ შეიწყალეს და ვისმენდი მის სიხარულის კივილს, ორივე ერთად ვტიროდით. ეს არასდროს დამავიწყდება", - დაწერა კიმმა ტვიტერზე.

ელისს ციხის კარებთან ოჯახის წევრები დახვდნენ.