ამერიკის 45-ე პრეზიდენტმა ციხის რეფორმა რეალითი შოუს ვარსკვლავთან განიხილა. 30 მაისს დონალდ ტრამპი და კიმ კარდაშიანი ერთმანეთს თეთრ სახლში შეხვდნენ.

"დიდებული შეხვედრა მქონდა კიმ კარდაშიანთან, განვიხილეთ ციხისა და სასჯელის რეფორმა", - დაწერა ტრამპმა თავის საყვარელ სოციალურ ქსელში.

შეხვედრის შესახებ კიმ კარდაშიანმა საზოგადოებას ტვიტერიდან განუმარტა. მისი თქმით, თეთრ სახლში ვიზიტი 63 წლის პატიმარ ქალს, ელის მარია ჯონსონს ეძღვნებოდა, რომელსაც 30 მაისს დაბადების დღე ჰქონდა. ჯონსონს სამუდამო პატიმრობა აქვს მისჯილი ნარკოტიკების მოხმარების გამო და კარდაშიანმა ტრამპს მისი შეწყალება სთხოვა.

"მადლობას ვუხდი პრეზიდენტ ტრამპს, რომ დრო გამონახა. იმედი მაქვს, რომ ის შეიწყალებს ელის მარია ჯონსონს და მის მსგავს უამრავ ადამიანს, რომლებიც მეორე შანს იმსახურებენ", - დაწერა კიმმა ტვიტერზე.