დღეს, 6 ივნისს მოძრაობამ #ნუმომკლავ მთავრობის კანცელარიასთან პერფორმანსი გამართა.

ორგანიზატორებმა შენობის წინ მეორეული ფეხსაცმელები დაალაგეს და განაცხადეს, რომ თუ ხელისუფლება დავით სარალიძისა და თემირლან მაჩალიკაშვილის საქმეზე 10 ივნისამდე არ დასჯის დამნაშავეებს, ისინი პერმანენტულ აქციებს გამართავენ:

"ბოლო პერიოდის განმავლობაში, ნათლად ვხედავდით ძალიან ბევრ დანაშაულს მაჩალიკაშვილისა და სარალიძის საქმეში. ძალიან ნათლად დავინახეთ სისტემური დანაშაულები და ეს სისტემური დანაშაულები საქართველოში ერთხელ და სამუდამოდ უნდა დასრულდეს. სისტემა ერთხელ და სამუდამოდ უნდა დაინგრეს. ჩვენ მივეცით ულტიმატუმი ხელისუფლებას ათ ივნისამდე და ათ ივნისამდე თუ არ გადადგავენ ისინი ქმედით ნაბიჯებს, ისევე გამოცვლის ქართველი მოსახლეობა მათ, როგორც გამოცვალა ეს გაცვეთილი ფეხსაცმელები", - ამბობს ახალგაზრდული მოძრაობის #ნუმომკლავ წარმომადგენელი ტიტე გედენიძე.