გაფიცულ მემანქანეებს საკრებულოს დეპუტატები ხვდებიან. როგორც უმრავლესობის დეპუტატმა, ოთარ გრიგოლიამ განაცხადა, შეხვედრაზე დასწრება ნებისმიერ მემანქანეს შეუძლია.

მეტროს მემანქანეებმა გაფიცვა და შიმშილობა გუშინ დაიწყეს, რამაც დღეს, 4 ივნისს, მეტროს პარალიზება გამოიწვია. გაფიცვა ხელფასების ზრდას უკავშირდება. მეტროს მემანქანეები მოითხოვენ, რომ მათი თანამდებობრივი სარგო 45%-ით გაიზარდოს.

დღეს, 4 ივნისს თბილისსი მერმა, კახა კალაძემ განაცხადა, რომ მეტროს მემანქანეების პროტესტი მოქალაქეების შანტაჟი და ულტიმატუმებით საუბარია. კალაძემ წარადგინა ბანკის ამონაწერი, რომელიც მისი თქმით, ასახავს მეტროს მემანქანეების ხელფასს და ის გაცილებით მეტია ვიდრე პედაგოგების, სასწრაფო დახმარებისა და საპატრულო პოლიციის თანამშრომლების ხელფასები.

მემანქანეების გაფიცვის უფლება თბილისის სატრანსპორტო კომპანიამ სასამართლოში ორჯერ გაასაჩივრა. სასამართლოს ბოლო გადაწყვეტილებით, მემანქანეებს გაფიცვის უფლება განუსაზღვრელი ვადით შეუჩერდათ. ამის მიუხედავად მეტრო გაფიცულია.

სატრანსპორტო კომპანია მემანქანეებს კანონის დაცვისკენ მოუწოდებს. მეტროს მემანქანეების გაფიცვის გამო საზოგადოებრივი ტრანსპორტი უფასოდ მოძრაობს.

გაიგეთ მეტი: