დღეს, 3 ივნისს ქართულ ოცნებაში პოლიტსაბჭოს სხდომა გაიმართა. პარტიის წევრებმა დავით სარალიძის მკვლელობის საქმეზე საგამოძიებო კომისიის შექმნისა და დაკომპლექტების შესახებ იმსჯელეს. ამის შესახებ ქართული ოცნების ლიდერმა, გიორგი კვირიკაშვილმა განაცხადა.

"საბოლოოდ ჩამოყალიბდება კომისიის შემადგენლობა მას შემდეგ, რაც გავივლით კონსულტაციებს ოპოზიციასთან",- თქვა კვირიკაშვილმა.

სარალიძის საქმეზე საგამოძიებო კომისიის შექმნა მას შემდეგ გადაწყდა, რაც თბილისის საქალაქო სასამართლოს გადაწყვეტილებით დადგინდა, რომ საქმეში ერთ-ერთი დამნაშავე დადგენილი არ იყო. კომისიის შექმნის ინიციატორი საპარლამენტო უმცირესობა, ევროპული საქართველო იყო.