ზაზა სარალიძემ განაცხადა, რომ შვიდ საათზე მთავარ პროკურატურასთან აქციას მართავს და საზოგადოების მხარდაჭერას ითხოვს. მისი ერთ-ერთი პირობაა, რომ ხორავას ქუჩის საქმეზე გადაწყვეტილების გამოცხადების შემდეგ სასამართლოსთან დაკავებული სამი პირი გაათავისუფლონ.

ზაზა სარალიძე დათანხმა მთავარ პროკურორს, ირაკლი შოთაძეს შეხვედრაზე, მაგრამ ის ითხოვს, რომ შეხვედრას მედიის წარმომადგენლებიც დაესწრნონ. მთავარი პროკურატურის პრესსამსახურის დეპარტამენტის ხელმძღვანელმა განაცხადა, რომ შეხვედრაზე მედიის დასწრება შეუძლებელი იქნება.

თბილისის საქალაქო სასამართლომ ხორავას ქუჩის საქმეზე ერთი ბრალდებული სარალიძის ნაწილში გაამართლა, ხოლო მეორე ბრალდებულს სარალაძის ნაწილში მუხლი შეუცვალეს. კერძოდ, მუხლი განზრახ მკვლელობიდან მკვლელობის მცდელობად გადაკვალიფიცირდა.

დავით სარალიძის მკვლელობაში ბრალდებული გამოძიებას არ ჰყავს და დაკავებულს ედავებიან მხოლოდ განზრახ მკვლელობის მცდელობას.

საგანგებო ბრიფინგზე, მთავარმა პროკურორმა, ირაკლი შოთაძემ განაცხადა, რომ სასამართლოს განაჩენს არ იზიარებს და პროკურატურა მას გაასაჩივრებს. პროკურატურა გეგმავს საქმეში შვეიცარიელი ექსპერტები და უცხოელი, ცნობილი პროკურორები ჩართონ.

პარლამენტის თავმდჯომარემ, ირაკლი კობახიძემ განაცხადა, რომ საქმეზე საპარლამენტო საგამოძიებო კომისია შეიქმნება. ეს არის პირველი შემთხვევა, როდესაც სისხლის სამართლის დაუსრულებელ საქმეზე საპარლამენტო საგამოძიებო კომისია იქმნება.