დიდი ბრიტანეთის ევროპის და ამერიკის სახელმწიფო მინისტრი ალან დუნკანი, სირიის მიერ აფხაზეთისა და სამხრეთ ოსეთის დამოუკიდებლობის აღიარებას ეხმაურება:

"ასადის რეჟიმის მხრიდან საქართველოში შემავალი აფხაზეთისა და სამხრეთ ოსეთის ე.წ. დამოუკიდებლობის აღიარება აბსოლუტურად მიუღებელია".

ალან დუნკანი განცხადებაში მიუთეთებს იმაზეც, რომ ეს ფაქტი პროცესების მშვიდობიანად წარმართვას შეუშლის ხელს:

"სირიის რეჟიმი და რუსეთი კვლავ აგრესიულად ცდილობენ ნორმებზე დამკვიდრებული საერთაშორისო წესრიგის დარღვევას. 2008 წელს რუსეთის მხრიდან საქართველოში სამხედრო ძალის გამოყენების შემდეგ, რუსეთმა აფხაზეთისა და სამხრეთ ოსეთის ტერიტორიები ე.წ. დამოუკიდებელ სახელმწიფოებად სცნო და ამით უხეშად დაარღვია საქართველოს სუვერენიტეტი. რუსეთი თავისი ქმედებებით ახლაც განაგრძობს საქართველოს ტერიტორიული მთლიანობის უფლების უგულებელყოფას".

დუნკანის თქმით, დიდი ბრიტანეთის მთავრობა მხარს უჭერს საქართველოს სუვერენიტეტსა და ტერიტორიულ მთლიანობას.

სირიამ რუსეთისგან ოკუპირებული სამხრეთ ოსეთი და აფხაზეთი დამოუკიდებელ რესპუბლიკებად აღიარა. საქართველომ კი პასუხად სირიასთან დიპლომატიური ურთიერთობა გაწყვიტა.