სახელმწიფო ქონების მოტყუებით დაუფლებისა და ყალბი დოკუმენტაციის გამოყენების ბრალდებით საქართველოს ფინანსთა სამინისტროს საგამოძიებო სამსახურმა ორი პირი დააკავა.

უწყების განმარტებით, დაკავებულებს ბრალად ედებათ ზუგდიდის მუნიციპალიტეტში მდებარე მიწის ნაკვეთების მითვისება. საგამოძიებო სამსახურის ინფორმაციით, ბრალდებულებმა 11 000 მ2 და 13 000 მ2 მიწები ყალბი დოკუმენტაციის გამოყენებით საკუთარ სახელზე დაარეგისტრირეს. ამ ეტაპზე მიწები დაყადაღებულია.

გამოძიება დაწყებულია საქართველოს სისხლის სამართლის კოდექსის 180-ე და 362-ე მუხლებით, რაც თაღლითობასა და მოტყუებით ქონებრივი დაზიანებას გულისხმობს. აღნიშნული კანონი ითვალისწინებს თავისუფლების 4-დან 7 წლამდე ვადით აღკვეთას.