ნაცუ ბაშოს ბოლო, მე-15 დღე ქართველმა სუმოისტმა ლევან გორგაძემ (ტოჩინოშინი) გამარჯვებით დაასრულა.

მას 13 მოგება მოუგროვდა. ამდენივე გამარჯვება ჰქონდა კაკურიუს, თუმცა მან ჰაკუჰოს დამარცხება მოახერხა და ტურნირი 14 მოგებით დაასრულა.

შესაბამისად, ჩემპიონი კაკურიუ გახდა, ტოჩინოშინი კი - ვიცე-ჩემპიონი.

ეჭვგარეშეა, რომ ამ ბაშოზე ლევან გორგაძის გამოსვლა ძალიან წარმატებული გამოდგა. იგი ნაცუ ბაშოს სეკივაკეს რანგში შეხვდა, თუმცა მომდევნო ბაშოზე იგი ოძეკის სტატუსით წარსდგება. ოძეკი კი ჩემპიონს ნიშნავს და სუმოში რიგით მეორე ტიტულია, რომელზე მაღალიც მხოლოდ იოკოძუნას რანგია.