NBA-ის დასავლეთ კონფერენციის ფინალში ჰიუსტონმა ბოლო შეხვედრა მოიგო და სერია ანგარიშით 3:2 წაიყვანა, რაც იმას ნიშნავს, რომ 1 მატჩის მოგებაც საკმარისი იქნება სუპერფინალში გასასვლელად.

ბოლო (მეხუთე) შეხვედრაში კრის პოლმა 20 ქულა, 7 მოხსნა და 6 შედეგიანი გადაცემა მოაგროვა.

მასზე მეტი 24 ქულა მხოლოდ ერიკ გორდონს ჰქონდა. სწორედ გორდონმა ჩააგდო ჰიუსტონელთა ბოლო 3-ქულიანი, რომელიც შეხვედრის გადამწყვეტი მომენტი აღმოჩნდა.

ქართველ ცენტრ ზაზა ფაჩულიას შეხვედრაში მონაწილეობა არ მიუღია.