ამერიკელი მომღერალი, არიანა გრანდე, რამდენიმე კვირის წინ დაშორდა ამერიკელ რეპერს, მაკ მილერს. დაშორების შემდეგ, გრანდემ მას უახლოესი მეგობარი უწოდა და საუკეთესო სურვილები გაუგზავნა.

ასევე ცნობილია, რომ მილერს სამართალდამცავებთან პრობლემები ჰქონდა, ავარიის გამო, ხოლო არიანა დაშორების შემდეგ, SNL-ის კომიკოსსა და მსახიობს, პიტ დევიდსონს ხვდება.

ამ ამბების შემდეგ, ტვიტერის ერთმა მომხმარებელმა არიანას უსაყვედურა, რომ მილერი "სხვა კაცის გამო მიატოვა, იმის მიუხედავად, რომ მილერმა მას მთელი ალბომი მიუძღვნა".

ტვიტი ვირუსული გახდა და გრანდეს ყურადღებაც მიიპყრო, რასაც მომღერალმა შემდეგნაირად უპასუხა:

"ძალიან აბსურდულია, ქალების მიერ საკუთარი თავის პატივისცემასა და თვითშეგნებას ასეთ მინიმალურ დონემდე დაყვანა, იმის თქმით, რომ მომწამვლელი ურთიერთობა უნდა გამეგრძელებინა ადამიანთან, მხოლოდ იმიტომ, რომ მან მთელი ალბომი ჩემზე დაწერა. (თუმცა ეს სწორი არცაა, რადგან მისი ალბომიდან, მხოლოდ ერთი სიმღერა, Cindrella არის ჩემს შესახებ).

მე არავის ძიძა ან დედა ვარ და არცერთი ქალი არ უნდა გრძნობდეს ამ როლების მორგების ვალდებულებას. მე მასზე ვზრუნავდი და მხარს ვუჭერდი, როდესაც მას სიფხიზლის შენარჩუნებაში პრობლემები ჰქონდა. წლების განმავლობაში ვლოცულობდი, რომ ბალანსი ეპოვა და ასეც გავაგრძელებ.

თუმცა, ქალების დადანაშაულება და მათი შერცხვენა, იმის გამო, რომ რეალურად კაცები ვერ აკონტროლებენ საკუთარ თავს, დიდი პრობლემაა. მოდით, შევწყვიტოთ ეს დამოკიდებულება. რა თქმა უნდა, მე არ ვსაუბრობდი, რა სირთულეებთან იყო დაკავშირებული ჩვენი ურთიერთობა, მაგრამ, სინამდვილეში, ეს ძალიან რთული იყო. კვლავ ვიმედოვნებ, რომ ის საკუთარ სიტუაციაში გარკვევას შეძლებს. ასე მოიქცეოდა ჩემს მდგომარეობაში მყოფი ყველა ქალი".

ტვიტის ავტორმა, მოგვიანებით No Tears Lef To Cry-ის მომღერალს ბოდიში მოუხადა და თქვა, რომ იმ პრობლემების შესახებ, რაც გრანდესა და მილერის ურთიერთობაში იყო, არაფერი იცოდა. გრანდემ უპასუხა, რომ ბოდიში მიღებულია და გაგებისთვის მადლობა გადაუხადა.

ეს სიტუაცია კიდევ ერთხელ გვახსენებს, რომ ორი ადამიანის ურთიერთობა მხოლოდ მათი საქმეა და კრიტიკოსები, ინფორმაციის არქონის გამო, ხშირად უხერხულ სიტუაციაში შეიძლება აღმოჩნდნენ.