"სანამ ბასიანი არ გაიხსნება კაფე გალერიში ივენთები არ ჩატარდება", - ამის შესახებ ფეისბუქის თავის გვერდზე კაფე გალერის მენეჯერმა ვიოლეტა ყოლბაიამ დაწერა.

შინაგან საქმეთა სამინისტროს მიერ On.ge-სთვის მიწოდებული ინფორმაციის მიხედვით, ბასიანის გახსნის თარიღი უცნობია.

"გახსენით დახურული კარი, დაგვაბრუნეთ სახლში", - ამ მოთხოვნით 27 მაისს, 18 საათზე კლუბ ბასიანის თანამშრომლები და მხარმდაჭერები, ევროპის მოედანზე, აქციას გამართავენ.

გუშინ, 22 მაისს 11 მაისის სპეცოპერაციის დროს დალუქული კაფე გალერიგაიხსნა. ბასიანის დამფუძნებლების განცხადებით, თუ კლუბი პირველ ივნისამდე არ გაიხსნება, ფინანსური ზარალის გამო ის შესაძლოა დაიხუროს. მათივე თქმით, ბასიანი შინაგან საქმეთა სამინისტროს პოლიტიკური პატიმარია.

11 მაისს გვიან ღამით შსს-მ სპეცოპერაცია ჩაატარა და ნარკორელიზატორობის ბრალდებით რვა პირი დააკავა. რამდენიმე საათში კი პოლიცია ბასიანში, კაფე გალერისა და ბლოუ-ბარში შევიდა, კლუბის სტუმრები გარეთ გაიყვანა და შენობების ჩხრეკა დაიწყო.

ბასიანთან და გალერისთან პოლიციელებს, სპეცრაზმელებსა და მოქალაქეებს შორის სიტყვიერი და ფიზიკური დაპირისპირება მოხდა. სამართადამცავების მოთხოვნის დაუმორჩილებლობისთვის 50-მდე პირი დააკავეს.

12 მაისს ღამით განვითარებულმა მოვლენებმა პარლამენტთან საპროტესტო აქციები გამოიწვია.

ამავე თემაზე: ბასიანსა და გალერიში ჩატარებული სპეცოპერაციის შედეგები - მოკლედ