საერთაშორისო ორგანიზაცია Human Rights Watch მსოფლიო ლიდერებს მოუწოდებს, რომ რუსეთში ფეხბურთის მსოფლიო ჩემპიონატის გახსნას არ დაესწრონ, თუ კრემლი სირიის მოქალაქეების ქიმიური იარაღისგან და თავდასხმისგან დასაცავად ქმედით ნაბიჯებს არ გადადგამს. გახსნის ცერემონია 14 ივნისს გაიმართება.

ორგანიზაციის განცხადებით, რუსეთი სირიას აწვდის იარაღს, სამხედრო მხარდაჭერას უცხადებს და სირიაში განვითარებულ მოვლენებზე პასუხისმგებელია.

Human Rights Watch-ის განცხადებაში ნათქვამია, რომ ამ ღონისძიების მასპინძლობით რუსეთს სურს საერთაშორისო საზოგადოების კეთილგანწყობა და პატივისცემა მოიპოვოს:

"მსოფლიო ლიდერებმა ვლადიმერ პუტინს უნდა გაუგზავნონ სიგნალი, რომ სანამ სირიაში რუსული და სირიული სამხედრო ძალების მოქმედებების შესაჩერებლად არ გადადგამს ქმედით ნაბიჯებს, გახსნის საღამოს მასთან ერთად VIP-ლოჟაში არ იქნებიან".