Pokedates ახალი აპლიკაციაა, რომელმაც Pokemon Go-ს მარტოხელა მოთამაშეები ერთმანეთს უნდა შეახვედროს.

აპლიკაციის გამოყენება მარტივია, შედიხართ საიტზე, რეგისტრირდებით, გასცემთ პასუხს რამდენიმე შეკითხვას თქვენთვის სასურველი პარტნიორის შესახებ და მიუთითებთ თავისუფალ დროს, როცა პოკემონების დასაჭერად საბოდიალოდ გცალიათ. ამის შემდეგ, საიტი მომხმარებლებს აწყვილებს და უგზავნის მათ დროსა და ლოკაციას, მაგალითად, Pokestop-ის ან Gym-ის კოორდინატებს, სადაც უნდა მივიდნენ და ერთად ითამაშონ.

გაცნობის სერვისი Project Fixup-ს ეკუთვნის, რომელსაც აქამდე ჰქონდა დაწყვილების ჩვეულებრივი მომსახურება. მათი საიტი იმით გამოირჩევა, რომ სხვა ასეთი საიტებისგან გასხვავებით, რომლებიც კომპიუტერული ალგორითმით ხელმძღვანელობენ, Project Fixup-ის თანამშრომლები ინდივიდუალურად ურჩევენ მომხმარებლებს ვინ იქნება მათთვის საუკეთესო პარტნიორი.

კომპანიას წარსულში რამდენიმე თემატური შეკრება აქვს ორგანიზებული, ველოსიპედით სეირნობისას გაცნობის და ღვინის დაჭაშნიკების ივენთები.