საქართველოს პირველი რესპუბლიკის დაარსებიდან 100 წლის იუბილესთან დაკავშირებითილიას სახელმწიფო უნივერსიტეტის წიგნის სახლში „ლიგამუსი“ ქართველთა შორის წერა-კითხვის გამავრცელებელი საზოგადოების პროსოპოგრაფიული ბაზის ვებგვერდის პრეზენტაცია გაიმართა.

ქართველთა შორის წერა-კითვის გამავრცელებელი საზოგადოების პროსოპოგრაფიული ბაზის ვებგვერდი ილიას სახელმწიფო უნივერსიტეტის ლინგვისტურ კვლევათა ინსტიტუტის მიერ შეიქმნა.

ვებგვერდი გაძლევთ შესაძლებლობას, გაეცნოთ საინტერესო და აქამდე უცნობ ისტორიებს, დაათვალიეროთ თემატური ფოტომასალა პირველწყაროებიდან და იკვლიოთ:

  • ქშწკგ საზოგადოების მიერ დაარსებული საგანმანათლებლო და საზოგადოებრივი ორგანიზაციები – სკოლა, ბიბლიოთეკა, გამომცემლობა, მუზეუმი, დარგობრივ-პროფესიული გაერთიანებები, საქველმოქმედო ფონდები და მათ მიერ ორგანიზებული ღონისძიებები.

ამასთან ერთად, თქვენ გაქვთ შესაძლებლობა, ავთენტურ მონაცემებზე დაყრდნობით, გაეცნოთ ორგანიზაციის წევრებს საზოგადოების ქართული და უცხოური განყოფილებების მიხედვით და სტრუქტურული ერთეულების მიხედვით.

თქვენ შეგიძლიათ გაეცნოთ ევროპული განათლების, როგორც საერთო-საყოველთაო იდეის დღემდე უცნობ ისტორიებს, ევროპული სტიპენდიების მეცენატებს დავით სარაჯიშვილით დაწყებული ერთი ურემი კომბოსტოს შემწირველით დამთავრებული.