საქართველოში უკვე მეოთხედ Young Lions Georgia ჩატარდა, რომელშიც მონაწილეობა 164-მა გუნდმა მიიღო. კონკურსის არსებობის ისტორიაში, ეს მაჩვენებელი რეკორდულია. კონკურსანტები ხუთ თემატურ ჯგუფად იყვნენ დაყოფილები და ერთმანეთს სხვადასხვა კატეგორიებში ეჯიბრებოდნენ. განსხვავდებოდა დავალებებიც, რომლებიც მათ უნდა შეესრულებინათ.

თითოეულ გუნდს ორი მონაწილე წარადგენდა, რომლებიც 11,12 და 13 მაისს, ტექნოპარკში ასრულებდნენ თავიანთ დავალებებს. მათგან ხუთი საუკეთესო გუნდი, შესაბამისად 10 მონაწილე, საქართველოს კანის კრეატიულ ფესტივალზე წარადგენს. გამარჯვებულები ხუთ სხვადასხვა კატეგორიაში არტარეას ტერიტორიაზე გამოვლინდა და მათ ოქროს მედლები გადაეცათ.

კატეგორია Young Marketers

ოქროს მედალი

ამ კატეგორიაში გამარჯვებული Giovanni Morra-ს გუნდი, ნათია სვანიძისა და პავლე გაბრიჭიძის შემადგენლობით გახდა. ახალგაზრდა მარკეტერების სახელით სწორედ ისინი წარადგენენ საქართველოს კანის კრეატიულ ფესტივალზე, რომელიც ივნისში გაიმართება.

ამავე კატეგორიაში ვერცხლის მედალი "ინებეს" გუნდმა მოიპოვა მარიტა გენებაშვილისა და ლეკო შათირიშვილის შემადგენლობით. ბრინჯაოს მედალი კი, მზიკო და მარიამ ლაპიაშვილებმა გუნდ Giovanni Morra-ს სახელით მოიპოვეს.

კატეგორია PRINT

ოქროს მედალი

ამ კატეგორიაში ოქროს მედალი გუნდ Watergunz-ს ერგო, რომლის შემადგენლობაში ანა გუგუტიშვილი და ივანე ყუფარაძე შედიოდნენ.

ვერცხლის მედალი Saatchi&Saatchi-ს გუნდს ერგო, გვანცა დათუაშვილისა და ლუკა ივანიძეს შემადგენლობით. ბრინჯაოს მედალი კი Gepra-ს გუნდმა მიიღო, რომელიც მარიამ მურადაშვილისა და გიორგი ბოლქვაძისგან შედგებოდა.

კატეგორია DIGITAL

ოქროს მედალი

ცოტნე მაზმანიშვილი და თეონა შელიას გუნდმა, WINDFOR’S-მა, ამ კატეგორიაში ოქროს მედალი და კანის ფესტივალში მონაწილეობის უფლება მოიპოვა.

ვერცხლის მედალი branding.ge-ს გუნდს გადაეცა, რომელშიც ანი ჭყოიძე და მარიამ ჩხაიძე შედიოდნენ. რაც შეეხება ბრინჯაოს მედალს, ის Leavingstone-ს გუნდმა მოიპოვა, ემილი ქორიძისა და ელენე დანელიას შემადგენლობით.

კატეგორია DESIGN

ოქროს მედალი

დიზაინის კატეგორიაში საქართველოს კანში Leavingstone-ის გუნდი წარადგენს, რომელშიც ანუკი კონიაშვილი და გიორგი ბრეგვაძე შედიან. მათმა საკონკურსო ნამუშევარმა ოქროს მედალი მოიპოვა.

ვერცხლის მედალი თამარ აბრამიასა და მიშა თოდუას გადაეცათ, რომლებიც გუნდ Dezzin-ს წარმოადგენდნენ. ბრინჯაოს მედალი კი, BetterFly-ის გუნდმა მოიპოვა.

კატეგორია FILM

ამ კატეგორიაში ოქროს მედალი და კანის ფესტივალზე ადგილი JWT Metro-ს გუნდს ერგო, რომელშიც სანდრო ციცქიშვილი და მაშო თევდორაშვილი შედიოდნენ.

ვერცხლის მედალი Leavingstone-ის გუნდს, ბექა ადამაშვილისა და სალომე ჟვანიას შემადგენლობით ერგოთ. რაც შეეხება ბრინჯაოს, ამ კატეგორიაში მესამე ადგილი გურამ ასათიანისა და ლუკა გაგლოშვილის გუნდმა, FollowFox-მა დაიკავა.

საუკეთესო ნამუშევრების სანახავად ეწვიეთ თიბისის ბლოგს.

Young Lions 2018-ის პარტნიორი თიბისი ბანკი იყო, რომელიც მომდევნო სამი წლის განმავლობაშიც გააგრძელებს კონკურსის მხარდაჭერას.

კანის "ლომების" ფესტივალი ერთ-ერთი ყველაზე მასშტაბური მოვლენაა მსოფლიო სარეკლამო სფეროში, რომელიც 1954 წლიდან იღებს სათავეს და ყოველწლიურად საფრანგეთის ქალაქ კანში ტარდება.