რთულია იმის თქმა, ვის უფრო ჰგავს 14 წლის ეფლ მარტინი - ცნობილ მამას თუ ასევე ცნობილ დედას, მაგრამ, როგორც გვინეტ პელტროუს ინსტაგრამიდან გავიგეთ, მისი და კრის მარტინის შვილი ძალიან ლამაზია.

მსოფლიოსთვის აქამდე უცნობი იყო, როგორ გამოიყურებოდა პოპულარული მსახიობისა და ქოლდფლეის სოლისტის შვილი, რადგან კრის მარტინი სოციალურ მედიაში დარეგისტრირებული არაა, გვინეტი კი ოჯახურ ცხოვრებას ნაკლებად ასაჯაროებდა.

თუმცა, ეფლის 14 წლის დაბადების დღეზე, პელტროუმ გამონაკლისი დაუშვა და თავისი შვილის ფოტო გამოაქვეყნა. როგორც პოსტიდან გავიგეთ, კრისის შვილი უკვე სიმღერებს წერს.

"დაბადების დღეს გილოცავ, ჩემო მშვენიერო გოგო. შენთან ერთად, ყოველ დღე შობის დილას ჰგავს. შენ ხარ ყველაზე ენერგიული, მხიარული, ლამაზი ახალგაზრდა ქალი. შენ ხარ ძალიან გონიერი და უნიჭიერესი მუსიკოსი. მადლობა, რომ ჩემთან ერთად დროს ისევ ატარებ, იმის მიუხედავად, რომ 14 წლის ხარ", - წერს გვინეტი.

იმედია მალე მოვისმენთ ეფლის მიერ დაწერილ სიმღერებს, მანამდე კი შეგიძლიათ მოისმინოთ, როგორ მღეროდა ის წლების წინ მამასთან ერთად საქველომქედო კონცერტზე

ალბათ არ გაგიკვირდებათ, თუ გეტყვით, რომ გიტარაზე დაკვრა თინეიჯერ ეფლს ქოლდფლეის სოლისტმა ასწავლა

Guitar time 🍎

A post shared by Gwyneth Paltrow (@gwynethpaltrow) on