ანტიჰომოფობიური აქციის კოტრაქციის მონაწილე ქალმა, რომელიც 17 მაისს საქართველოს პარლამენტთან მივიდა, ისაუბრა საკითხებზე, რომელიც, მისი აზრით, პრობლემაა. მისი აღქმით, ანტიჰომოფობიური აქციის მონაწილეები, რომლებიც ბოლო რამდენიმე დღეა თავისი უფლებების დასაცავად აქციებს მართავენ ცოდვილები არიან და "შვილებს გვირყვნიან". აქციაზე გამოსვლის ჩანაწერს ლიბერალი ავრცელებს.

"თუნდაც ფეისბუქზე შეხვიდე. ისინი მართლა გვიტარებენ პარადს ყოველდღე და ჩვენ ახლა დღევანდელი დღის ვითომ არ ჩატარებისთვის ვიბრძვით. ჩვენს შვილებს ყოველ დღე უტარებენ პარადს, მართლა გეუბნებით - ოთხი შვილი, რომლებიც მარხვით და ლოცვით გავზარდე იწონებენ იმ ტატუებს. ეს რომ საჭირო ყოფილიყო, უფალი თავად დაახატავდა, სრულყოფილი შეგვქმნა", - განაცხადა ქალმა სიტყვის გამოსვლის დროს.

17 მაისი ჰომოფობიისა და ტრანსფობიის საერთაშორისო დღეა. ამ დღეს დაამთხვია საქართველოს მართლმადიდებელმა ეკლესიამ ახალი დღესასწაულის - ოჯახის სიწმინდის დღის დაარსება. მაშინ, როცა ლგბტ აქტივისტები ჰომოფობიასთან და ტრანსფობიასთან ბრძოლის დღეს ვერ აღნიშნავდნენ, ვარდების მოედნიდან სამების საკათედრო ტაძრამდე მრავალათასიანი მსვლელობა მოეწყო და აქცია გაიმართა პარლამენტთანაც.