"როგორი სკოლა გვინდა?" - განათლების სამინისტროსთან ლგბტ აქტივისტებმა აქცია გამართეს.

აქტივისტების განცხადებით, სკოლაში უნდა იყოს უსაფრთხო გარემო ყველასთვის, სადაც ნებისმიერი შესაძლებლობის, იდენტობის, გარეგნობის, მრწამსის ბავშვი თავს დაცულად იგრძნობს.

"ჩვენ გვინდა, რომ სკოლა არ იყოს მხოლოდ აკადემიური უნარების სასწავლი დაწესებულება, არამედ გაამყაროს ჰუმანური ღირებულებები, ხელი შეუწყოს ბავშვების განვითარებას.

ბავშვობაში გადატანილი ჰომპოფობიური ბულინგით გამოწვეული ტრავმები მთელი სიცოცხლის მანძილზე მივყვება ადამიანს, ხოლო ამ დროს შეძენილი სიძულვილი განაპირობებს ახალგაზრდებში ჰომოფობიური აგრესიის მომატებას", - განაცხადეს ლგბტ აქტივისტებმა.

მიუხედავად იმისა, რომ დღეს კანცელარიასთან დაგეგმილი აქცია გავიაზროთ 17 მაისი გაუქმდა, ლგბტ აქტივისტები თბილისში სხვადასხვა ლოკაციაზე აქციებს მართავენ. აქციები უკვე გაიმართა შინაგან საქმეთა სამინისტროსთან, ჯანდაცვის სამინისტროსთან, იუსტიციის სამინისტროსთან და ვაკის პარკთან.

ამავე თემაზე: