"მოვითხოვთ, რომ საქართველოს შრომის, ჯანმრთელობისა და სოციალური დაცვის სამინისტრომ შეიმუშავოს ტრანსგენდერ ადამიანებსა და ინტერსექს ადამიანებზე ზრუნვის საერთაშორისო სტანდარტების შესაბამისი კლინიკური გაიდლაინები და პროტოკოლები", - ჯანდაცვის სამინისტროსთან ლგბტ აქტივისტების აქცია იმართება.

ადგილზე მობილიზებულია პოლიცია, რომელიც აქციის მონაწილეებს არ აძლევდა ფერადი ბოლის გაშვების უფლებას. თავდაპირველად პოლიციელმა განმარტა, რომ ბოლი გამოიწვევდა ხმაურს. მოგვიანებით კი ერთ-ერთმა პოლიციელმა აღნიშნა, რომ ბოლს გოგირდის სუნი აქვს, რომელსაც ვერ იტანს და ამიტომ სხვა მხარეს უნდა გადავიდნენ. ლგბტ აქტივისტებმა სიმბოლური ფერადი ბოლი ჯანდაცვის სამინისტროს მიმდებარედ გაუშვეს.

მიუხედავად იმისა, რომ დღეს კანცელარიასთან დაგეგმილი აქცია გავიაზროთ 17 მაისი გაუქმდა, ლგბტ აქტივისტები თბილისში სხვადასხვა ლოკაციაზე აქციებს მართავენ.

ამავე თემაზე: