კლუბ ბასიანთან სამართალდამცველების დამატებითი ძალების მობილიზება შეინიშნება. ამის შესახებ ინფორმაციას ადგილზე მყოფი პირები ავრცელებენ.

შსს-ში ინფორმაციას სამართალდამცველების დამატებითი ძალების მოყვანაზე კომენტარს არ აკეთებენ, ამიტომ ინფორმაცია ოფიციალური უწყებების მხრიდან დადასტურებული არ არის და ეყრდნობა ადგილზე მყოფი სტუმრების მონათხრობს.

ბასიანის მიმდებარე ტერიტორიაზე ათობით ადამიანი დააკავეს. შსს-ს ოფიციალური ინფორმაციით, დაკავებულია ნარკოტიკების გამსაღებელი რვა პირი.

კლუბ ბასიანის მიმდებარე ტერიტორიაზე მხარდამჭერები იკრიბებიან. ადგილზე უკვე ასობით ადამიანია. თეთრი ხმაურის მოძრაობის წევრები მხარდამჭერებს კლუბ ბასიანთან მისვლისკენ მოუწოდებენ. უკვე ორი საათია, ბასიანის პარალელურად სპეცოპერაცია ტარდება კაფე გალერიში.