საერთაშორისო გამჭვირვალობა - საქართველოს კვლევის მიხედვით, საქართველოს მოსახლეობის ნახევარზე მეტი, გამოკითხულთა 58%, ფიქრობს, რომ საგამოძიებო უწყებები მმართველი პარტიის გავლენის ქვეშაა.

ფოტო: საერთაშორისო გამჭვირვალობა - საქართველო

გამოკითხულთა უმრავლესობა მიიჩნევს, რომ მმართველი პარტიის ინტერესებს ემსახურებიან პროკურატურა (57%), შინაგან საქმეთა სამინისტრო (55%) და სახელმწიფო უსაფრთხოების სამსახური (55%).

საერთაშორისო გამჭვირვალობა - საქართველოს დაკვეთით კვლევა კავკასიის კვლევითი რესურსების ცენტრმა განახორციელა. კვლევის ფარგლებში, რომელიც 2018 წლის 3-28 მარტის პერიოდში ჩატარდა, მთელი საქართველოს მასშტაბით 1843 ადამიანი გამოიკითხა. გამოკითხვის საშუალო ცდომილება 2,8 პროცენტს შეადგენს.